மராத்தியர்கள்- 8ஆம் வகுப்பு சமூக அறிவியல்

மராத்தியர்கள்:

தக்காணம் மற்றும் மஹாராஷ்டிர மலை பகுதியில் வாழ்ந்த மக்கள்.
கொரில்லா போர் முறையை அறிந்து இருந்தனர். இது ஒரு முறையற்ற போர் முறையாகும்.

சிவாஜி:

தந்தை : ஷாஜி பான்ஸ்லே ( பிஜப்பூர் சுல்தானிடம் பணியாற்றினார்)
தாய் :ஜீஜாபாய்
1627 ஆம் ஆண்டு பூனாவின் அருகில் உள்ள சிவனேரிக்கோட்டையில் சிவாஜி பிறந்தார்.
இஸ்லாமியர்களுக்கு கீழ் வேலை செய்வதை சிவாஜி விரும்பவில்லை.
1646 ஆம் ஆண்டு பிஜப்பூர் சுல்தானிடம் இருந்து சில பகுதிகளை கைப்பற்றினார்.
1659 ஆம் ஆண்டு பிஜப்பூர் சுல்தான் சிவாஜியை உயிருடனோ அல்லது பிணமாகவோ கொண்டு வர ஆணையிட்டு அப்சல்கானை அனுப்பினார்.
1660 ஆம் ஆண்டு ஔரங்கசீப் சிவாஜிக்கு எதிராக போர் புரிய செயிஷ்ட்கான் என்பவரை அனுப்பினார். ஆனால் அது தோல்வியில் முடிந்தது.
இரண்டாவது முறையாக ராஜாஜெயசிங்-ஐ அனுப்பினார்.
1665 ஆம் ஆண்டு ராஜாஜெயசிங் சிவாஜியை சுற்றி வளைத்தார் வேறு வழி இல்லாததால் சிவாஜி சரணடந்தார்.
1665 ஆம் ஆண்டு புரந்தர் உடன்படுக்கை கையெழுத்தானது.
1666 ஆம் ஆண்டு சிவாஜி தனது மகன் சம்பாஜியுடன் ஔரங்கசீப்பை சந்திக்க சென்றார் ஆனால் அவர் அங்கே அவமதிக்கப்பட்டு கைது செய்யப்பட்டார்.
சிவாஜி அங்கிருந்து தப்பித்து வெளி வந்தார்.
ஔரங்கசீப் சிவாஜியை மலை எலி என்றும் தக்காண புற்றுநோய் என்றும் அழைத்தார்.
1674 ஆம் ஆண்டு சிவாஜிக்கு ரெய்கார் கோட்டையில் முடிச்சூட்டப்பட்டது.
சத்திரபதி என்னும் பட்டத்தை அவர் சூட்டிக்கொண்டார்.
1680 ஆம் ஆண்டு சிவாஜி ரெய்காரில் மரணித்தார்.
சிவாஜியின் சபையில் அஷ்டப்பிரதான் என அழைக்கப்பட்ட 8 முக்கிய அமைச்சர்கள் இருந்தனர்.
இவரது பேரரசு சுயராஜ்யம் எனப்பட்டது.
விவசாய வரியாக விளைச்சலில் ஐந்தில் ஒரு பங்கினை விதித்தார்.
பட்டேல் என்பவர் குற்றவியல் வழக்குகளை விசாரித்தார்.
ஜமிந்தாரி முறையை ஒழித்தார்.
சிவாஜியின் அவை பிரதம அமைச்சர்கள் பேஷ்வாக்கள் எனப்பட்டனர்.

பேஷ்வாக்கள்:

பேஷ்வாக்களின் ஆட்சி 1713 ஆம் ஆண்டு தொடங்கியது.
முதல் பேஷ்வாவாக பாலாஜி விஸ்வநாத் பொறுப்பேற்றார்.
1720 ஆம் ஆண்டு இரண்டாவது பேஷ்வாவாக பாலாஜி விஸ்வநாத்-ன் மகன் பாஜிராவ் பதவி ஏற்றார்.
மூன்றாவது பேஷ்வாவாக பாலாஜி பாஜிராவ் ( 1740-1761) பதவி ஏற்றார்.
இவரது ஆலோசகர் சதாசிவராவ் ஆவார்.இவரது அறிவுரையில் 1758-ல் மராத்தியர் புகழின் உச்சத்தை தொட்டது.
பஞ்சாப்-ஐ கைப்பற்றி அட்டாக்கோட்டையில் மராத்திய கொடியை பறக்க விட்டார். இது ஆப்கானிய அரசருடன் மோதலை ஏற்படுத்தியது.
1761 ஆம் ஆண்டு ஆப்கானிய அரசர் அகமது ஷா படையெடுத்தார் இப்போர் பானிபட் போர் களத்தில் நடைப்பெற்றது. இது வரலாற்றில் மூன்றாவது பானிபட் போர் என அழைக்கப்படுகிறது.
இப்படையெடுப்பிற்கு பிறகு மராத்திய அரசு விழ்ச்சியுற்றது.